Нұр-Сұлтан 22.7°
×
05.04.2022, 18:56
Қызық па? Жаңалықты достарыңызбен бөлісіңіз!

Полицейлер жерге көмілген бірнеше қару мен гранатаны тапты (ВИДЕО)

Жамбылдық полицейлер сегіз қару, граната және 400-ге жуық патрон тапты, деп хабарлады Elorda.info polisia.kz-ке сілтеме жасап.

Жамбыл облысы Полиция департаментінің қызметкерлері қаңтар айының басында орын алған жаппай тәртіпсіздік кезінде ұрланған қарулардың орнын анықтау бойынша күн сайын іздестіру жұмыстарын жүргізуде.

28 наурыз бен 1 сәуір аралығында Жамбыл облысының аумағында сегіз қару, гранаталар, түтінді жарғыштар және 397 түрлі калибрлі патрондар табылып, тәркіленді. Олардың ішінде автомат, 6 тапанша, бір тегіс ұңғылы шолақ мылтық бар.

Мысалы, 29 наурызда Жамбыл облысы Полиция департаментінің қызметкерлерімен үйінде сақталған атыс қаруын өз еркімен берген Тараз қаласының 40 жастағы тұрғыны анықталды. Қару-жарақтың ішінде төрт макаров тапаншасы, MТ-ның 9 оқ жатары, 7,62 калибрлі 120 патрон және 12 калибрлі 11 патрон болды. Ер адам келу міндеттемесімен жіберілді.

Барлық қаруларға сот-баллистикалық сараптама тағайындалды.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері