×
04.03.2022, 14:50
Қызық па? Жаңалықты достарыңызбен бөлісіңіз!

«Жастар» ғылыми-зерттеу орталығына жаңа директор тағайындалды

Президенттік жастар кадрлық резервінің мүшесі Азиз Ысқақов «Жастар» ғылыми-зерттеу орталығы» ЖШС директоры қызметіне тағайындалды, деп хабарлады Elorda.info.

«Жастар» ғылыми-зерттеу орталығына жаңа директор тағайындалды

Азиз Ысқақов Д.Серікбаев атындағы Шығыс Қазақстан мемлекеттік техникалық университетінде «Ақпараттық жүйелер» мамандығы бойынша (2015, бакалавриат), Нархоз университетінде «Экономика» мамандығы бойынша (2018, бакалавриат) және Орал мемлекеттік экономикалық университетінде «Жобалар мен бағдарламаларды басқару» мамандығы бойынша (2019, магистратура) жоғары білім алған.

Бұған дейін Qazaqstan Institute of Social Studies-тің атқарушы директоры қызметін атқарған. Сондай-ақ ол – Toraighyrov University және Павлодар педагогикалық университеті директорлар кеңесінің мүшесі.

Экономикалық зерттеулер институтында, Еуразиялық интеграция институтында, «Зерде» холдингінде және Индустрия және инфрақұрылымдық даму министрлігінде түрлі талдамалық және басшылық лауазымда жұмыс істеген.

«Қазақмыс» корпорациясының және Қазақстан теңге сарайының бөлімшелерінде өндірістік және әкімшілік лауазымдарды атқарған.

Әр жылдары Еуропалық қайта құру және даму банкінің, «Атамекен» ұлттық кәсіпкерлер палатасының және басқа да қазақстандық және халықаралық ұйымдардың жобаларында кеңесші, ұлттық сарапшы болған.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері