Нұр-Сұлтан 9.4°
×
27.01.2022, 09:28
Қызық па? Жаңалықты достарыңызбен бөлісіңіз!

Сенат төрағасының жаңа орынбасары сайланды

ҚР Парламенті Сенаты төрағасының орынбасары болып Ольга Перепечина сайланды, деп хабарлады Elorda.info.

Сенат төрағасының жаңа орынбасары сайланды

Конституциялық нормаларға сәйкес, Палата төрағасының орынбасарына кандидатураны Сенат төрағасы ұсынады. Осы құқықты пайдалана отырып, бұл лауазымға Ольга Валентиновна Перепечинаның кандидатурасын ұсынамын. Ольга Валентиновнаны баршаңыз жақсы білесіздер, өз ісінің нағыз маманы, тәжірибелі сенатор. Соңғы төрт жылдан астам уақытта Сенаттың Қаржы және бюджет комитетін басқарды, - деді Сенат төрағасы Мәулен Әшімбаев.

Сенат регламентіне сәйкес, Палата төрағасының орынбасарын сайлау туралы қаулы ашық дауыс беру арқылы қабылданды. Депутаттар бұл шешімді бірауыздан қолдады.

Айта кетейік, Президент Жарлығымен Нұрлан Әбдіровтің Сенат депутаты ретіндегі өкілеттігі тоқтатылды.

Қасым-Жомарт Тоқаевтың Жарлығымен Нұрлан Әбдіров ҚР Орталық сайлау комиссиясының төрағасы лауазымына тағайындалған болатын.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері