×
17.03.2023, 11:28
Қызық па? Жаңалықты достарыңызбен бөлісіңіз!

Елена Рыбакина Индиан-Уэллс мастерс турнирінің жартылай финалына шықты

Биыл турнирдің жүлде қоры – 8 800 000 доллар

Елена Рыбакина Индиан-Уэллс мастерс турнирінің жартылай финалына шықты
Фото: ашық дереккөз

Қазақстандық теннисші Елена Рыбакина АҚШ-тағы Индиан-Уэллсте WTA-1000 санатындағы турнирдің жартылай финалына жолдама алды, деп хабарлады Elorda.info.

Ширек финалда Қазақстан спортшысы әлемнің 76-шы ракеткасы чех Каролина Мухованы 7:6 (7:4), 2:6, 6:4 есебімен жеңді. 

Екі сағат 46 минутқа созылған тартысты матч барысында қазақстандық спортшы 6 эйс жасап, 14 брейк-пойнттың екеуін өз есебіне жазды. Қарсыласы 1 эйс, 3 брейкпен (6 брейк-пойнт) көзге түсті.

Елена Рыбакина финалға шығу үшін әлемнің 1-ракеткасы, Польша өкілі Ига Швентек немесе рейтингте 83-сатыдағы румыниялық Сорана Кырстяның біреуімен таласады.

Биыл турнирдің жүлде қоры – 8 800 000 доллар. Жеңімпаз 1 262 220 доллар алады және 1000 рейтингтік ұпай алады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері