×
18.11.2022, 11:33
Қызық па? Жаңалықты достарыңызбен бөлісіңіз!

Футболдан әлем чемпионатының жарыс кестесі жарияланды

Жарыстың ашылу салтанаты 20 қараша күні 20:45-те өтеді

Футболдан әлем чемпионатының жарыс кестесі жарияланды
Фото: ашық дереккөз

Қатар еліндегі футболдан әлем чемпионатының «Qazaqstan» және «Qazsport» телеарналарындағы көрсетілім кестесі жарияланды, деп хабарлады Elorda.info.

«Қазақстан» телерадиокорпорациясы 20 қараша мен 18 желтоқсан аралығында Қатарда өтетін футболдан әлем чемпионатын көрсетеді. Жаһандық жарыстың ашылу салтанаты 20 қараша күні 20:45-те өтеді. Тікелей трансляцияны «Qazaqstan» және «Qazsport» телеарналарынан, сонымен қатар qazaqstan.tv және qazsporttv.kz сайты мен «Qazaqstan.tv» мобильді қосымшасы арқылы көруге болады.

Әлем чемпионаты матчтарының қарсаңында студиялық бағдарламалар ұсыналады. Оларда спорт жұлдыздары, мамандар, сарапшылар, кәсіпқой спортшылар өз ойларымен бөліседі. Сонымен қатар корпорацияның әлеуметтік желідегі парақшаларында футбол жанкүйерлеріне арналған түрлі байқаулар ұйымдастырылады.

Сонымен қатар, 19 қараша күні 16:00-де «Қазмедиа» орталығында әлем чемпионаты көрсетілімінің соңғы дайындық жұмыстары қорытындыланып, ойындарды жүргізетін комментаторлармен кездесу ұйымдастырылады. Кездесуде алдағы мундиальда ұсынылатын студиялық бағдарламалар, күнделікті шығарылымдар мен байқаулар жөнінде ақпараттар жария етіледі.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері