Elorda.info

Үстел теннисінен Алан Құрманғалиев ірі турнирде топ жарды

Үстел теннисінен Қазақстан командасының өкілі Алан Құрманғалиев Швецияның Хельсингборг қаласында өткен WTT Youth Contender ірі турнирінде алтын медаль жеңіп алды, деп хабарлады Elorda.info.

Үстел теннисінен Алан Құрманғалиев ірі турнирде топ жарды

Ол 15 жастағы спортшылар арасында чемпион атанды. Құрманғалиев турнир барысында даниялық Янус Беседті (3:0), Үндістаннан келген Баламуруган Раджасекаранды (3:1), неміс Фридрих Кун Фон Бургсдорфты (3:1) және швед Питер Алестедтті (3:0) жеңді.

Жартылай финалда отандасымыз кореялық Ли Сын Суға мүмкіндік бермеді – 3:0. Шешуші матчта Алан Құрманғалиев Оңтүстік Корея командасының тағы бір өкілі Квон Хекпен кездесті. Текетірес 3:1 есебімен аяқталды – қазақстандық спортшы турнирді алтын жүлдемен аяқтады.

Айта кетерлігі, бұл спортшымыз үшін халықаралық деңгейде жеңіп алған 15-ші марапаты болды.

Бөлісу!
жапсырмалар:

АҚПАРАТ АҒЫНЫ

Спорт