×
11.08.2022, 10:57
Қызық па? Жаңалықты достарыңызбен бөлісіңіз!
Мақалада:

Футболдан UEFA Суперкубогының иегері анықталды

Чемпиондар лигасының жеңімпазы «Реал Мадрид» пен Еуропа лигасын ұтқан «Айнтрахт» УЕФА Суперкубогын сарапқа салды, деп хабарлады Elorda.info.

Футболдан UEFA Суперкубогының иегері анықталды
Фото: ашық дереккөз

Финляндия астанасында өткен финалда "корольдік" клуб Германияның "Айнтрахтын" негізгі уақытта 2:0 есебімен ұтты. "Бланкос" сапында Давид Алаба 37 минутта есеп ашса, үзілістен кейін Карим Бензема (65 минут) испаниялықтардың екінші голын салды.

Осылайша 120 жылдық тарихы бар Мадридтің "Реалы" өз тарихында аталмыш кубокты бесінші рет иеленіп отыр. Осыған дейін 2002, 2014, 2016, 2017 жылдары жеңген болатын.

Енді Карло Анчелотти ойыншылары Испания біріншілігіне дайындалады. Ла Лиганың алғашқы туры 15 тамыз күні "Альмерия" клубына қарсы өтеді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері