Нұр-Сұлтан -10.9°
×
29.11.2021, 22:08
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Астаналық спортшылар Польшадағы халықаралық турнирдің жүлдегерлері атанды

27-28 қараша аралығында Познань қаласында (Польша) есту қабілеті бұзылған жасөспірімдер арасында жүзуден халықаралық турнир өтті. Елордалық спортшылар 7 медаль жеңіп алды, деп хабарлады Elorda.info елорда әкімдігінің ресми сайтына сілтеме жасап. 

Астаналық спортшылар Польшадағы халықаралық турнирдің жүлдегерлері атанды

Талғат Әлішер мен Ғазизова Танзиля Қазақстан құрамасына 7 медаль әкелді.

Әлішер 3 алтын (100 м кешенді жүзу, 50 м баттерфляй, 200 м кешенді жүзу) және 1 күміс (100 м баттерфляй) және Танзиля алтын (100 м брасс), күміс (100 м артқы жағында) және қола (200 м кешенді жүзу) медальдарын жеңіп алды.

Мен осы жарыстарда өзімді көрсете алғаныма өте қуаныштымын. Мен көп дайындалдым және жаттығулардан қалмадым. Менің арманым - алдағы Сурдлимпиадалық ойындарға қатысу. Маған жүзу өте ұнайды. Спорттың арқасында денсаулығымды сақтаймын, сондай-ақ көптеген жаңа дос таптым, - деді Халықаралық турнирдің чемпионы Талғат Әлішер.

Спортшыларды елордалық «Балалар-жасөспірімдер спорт мектебінің, мүгедек спортшыларға арналған» жүзу бойынша жаттықтырушылар Жасанов Нұрлан мен Жұмабаев Бахытжан жаттықтырады.

Айта кету керек, жарысқа әлемнің 5 елінен 80-нен астам спортшы қатысты.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері