Нұр-Сұлтан 20.6°
×
08.11.2021, 17:00
Қызық па? Жаңалықты достарыңызбен бөлісіңіз!

Елена Рыбакина әлемдік рейтингіде рекордтық көрсеткішке қол жеткізді

Жуырда Әйелдер теннис қауымдастығы («WTA») әлемдегі үздік теннисшілерінің рейтингін жаңартты, деп хабарлады Elorda.Info.

Елена Рыбакина әлемдік рейтингіде рекордтық көрсеткішке қол жеткізді

Қазақстан теннис федерациясының хабарлауынша, әйелдер арасындағы еліміздің бірінші ракеткасы Елена Рыбакина рейтингте 16-дан 14-орынға көтерілді. Бұл оның спорттық жолындағы рекордтық көрсеткіші болып табылады.

Жаңартылған рейтингте Юлия Путинцева 44-тен 42-сатыға жоғарыласа, Зарина Дияс үздік жүздікке қайта оралды. Қазір Зарина 98-орында келеді. Гөзал Айнитдинова 481-інші, Жібек Құламбаева 515-орында. Жұптық сында Елена Рыбакина 49-орында қалса, Анна Данилина 79-сатыға көтерілді. Жібек Құламбаева (395) мен 16 жастағы Дана Байдәулет (963) өз көрсеткіштерін жақсартып келеді.

Ерлер арасында «АТР» рейтингісінде Александр Бублик 36-орнында қалса, Дмитрий Попко 170-сатыда келеді. Михаил Кукушкин 177-ден 187-ге сырғыды. Тимофей Скатов 264-тен 262-ге жоғарылады. Денис Евсеев 393-орында. Бейбіт Жукаев бірден 25 саты көтеріліп, 724-орынға жайғасты. Ал жұптық сында Андрей Голубев 25-інші, Александр Недовесов 75-тен 72-сатыға шықты.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері