Нұр-Сұлтан 26.7°
×
25.10.2021, 18:10
Қызық па? Жаңалықты достарыңызбен бөлісіңіз!

Кикбоксинг: Қоржында – 6 алтын, 1 күміс, 10 қола медаль

Италияның Лидо-ди-Йезоло қаласында кикбоксингтен ересектер арасында өткен әлем чемпионатында қазақстандық спортшылар 6 алтын, 1 күміс, 10 қола медаль жеңіп алды, деп хабарлайды Elorda.Info Мәдениет және спорт министрлігінің сайтына сілтеме жасап.

Кикбоксинг: Қоржында – 6 алтын, 1 күміс, 10 қола медаль

15-24 қазан аралығында өткен біріншілікке 65 мемлекеттен келген 1600-ге жуық спортшы қатысты. Апенин түбегіндегі бәсекеде Қазақстан құрамасы сәтті өнер көрсетті.

Атап айтқанда, Дінмұхаммед Баймұратов, Ерлан Шағбан, Мақсат Үсіп, Фазледдин Сафаров, Нұрсұлтан Жұмабаев және Нұрдәулет Қалшора өз салмағында жеңіске жетті. Азамат Өтемісов күміс жүлдеге қол жеткізді. Ал Серікбол Ермеков, Батырхан Қуандықов, Ариза Сманова, Дулат Дүйсенов, Жандос Назарбеков, Шыңғысхан Тілемісов, Берік Халықов, Бибарыс Сауханбек, Әділ Мырзағали және Дидар Төлебаев үздік үштікті түйіндеді.

ҚР Мәдениет және спорт министрі Ақтоты Райымқұлова Қазақстан құрамасын жетістіктерімен құттықтады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері