Әнші Ерке Есмахан әлеуметтік желіде өзіне қатысты тарап кеткен қауесеттерге жауап берді. Instagram парақшасында ол өзінің «аяғы ауыр» деп болжағандардың сөзіне нүкте қойды деп жазады Elorda.info.
Ерке Есмахан туралы мұндай әңгімелер оның Мальдив аралдарында түскен бейнежазбасынан кейін тарап кеткен еді. Желі қолданушылары оның видеодағы дене бітіміне қарап, «жүкті» деп жарыса жаза бастады.
Әнші Instagram желісіндегі Stories бөлімінде аяғы ауыр емес екенін айтты.
«Алла, сабыр бер маған. Бір Мальдив аралдарына барғаным жыр болды ғой. Отырсам да, тұрсам да жаңалық. Миллион адам сұраған шығар «аяғың ауыр ма?» деп. Жоқ, ауыр емес. Бұл тек орамал жиналып тұр. Жігітім, күйеуім жоқ. Күлге аунап туамын ба?» - деп жазды Ерке Есмахан.
