Нұр-Сұлтан 20.8°
×
29.06.2022, 12:34
Қызық па? Жаңалықты достарыңызбен бөлісіңіз!

Қаңтар оқиғасы: азаптау әрекеті бойынша 9 адам қамауда отыр

Бас прокурордың орынбасары Әсет Шындалиев қаңтар оқиғасына байланысты қанша адамның азаптау фактісі бойынша күдікті ретінде ұсталғанын мәлім етті, деп хабарлады Elorda.info.

Қаңтар оқиғасы: азаптау әрекеті бойынша 9 адам қамауда отыр
Фото: ашық дереккөзден

«Қаңтар оқиғасы кезінде 238 адам қаза тапты. Оның ішінде 6 адам азаптаулардан кейін көз жұмған. Азаптау әрекеті бойынша 15 адам күдікке ілінді. Оның тоғызы қамауда отыр», - деді Әсет Шындалиев Мәжіліс кулуарында.

Сондай-ақ, ол қаңтар кезінде қаза болғандардың толық тізімін жариялау үшін әр құрбанның қандай жағдайда өлгені анықталып бітуі қажет екенін айтты.

«Біз ол күдіктілердің бәрі кінәлі деп қазір айта алмаймыз. Тергеу жүріп жатыр. Қайтыс болғандардың саны белгілі. Бірақ тергеу амалдары жүріп жатыр. Адам қай жерде, қандай жағдайда өлгенін анықтау қажет», – деді Бас прокурордың орынбасары.

 

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері