Amanat партиясы Қоғамдық саясат институтының директоры Мәдина Нұрғалиева жуырда жүргізілген әлеуметтік зерттеу нәтижелері бойынша респонденттердің 78%-ы қоғамда өзгерістерге деген сұраныс бар екендігін көрсеткендігін айтты, деп хабарлады Elorda.info.
Референдум – бұл жаңа әлеуметтік келісім жасау үшін берілген жауап. Қазір азаматтарға ойын ашық жеткізуді үйренетін уақыт келді. Ал алдағы референдум оларға өз пікірін білдіруге мүмкіндік береді. Халық саяси шешімдер қабылдау процесіне көбірек көңіл бөлуде. Мұны кандидаттардың басым көпшілігі өзін-өзі ұсынған ауыл әкімдерінің сайлауынан да байқауға болады. Яғни, мұның бәрі біздің азаматтық санамыздың өсіп, саяси мәдениетіміздің арта түскенін көрсетеді. Бұл үрдіс одан әрі жалғасады, - деді М.Нұрғалиева.
