Нұр-Сұлтан 9.4°
×
17.01.2022, 14:40
Қызық па? Жаңалықты достарыңызбен бөлісіңіз!
Мақалада:

Мемлекетке опасыздық жасады деп айыпталған саясаткер оралды

Мемлекетке опасыздық жасады деген айып тағылған Украинаның экс-президенті Петр Порошенко мінген ұшақ 17 қаңтарда Киевке қонды, деп хабарлады Elorda.info Tengrinews.kz сайтына сілтеме жасап.

Мемлекетке опасыздық жасады деп айыпталған саясаткер оралды
Фото: REUTERS

Оны қолдайтын саясаткерлер, журналистер мен белсенділер елдің бесінші президентін Киев әуежайында қарсы алғаны хабарланды.

Порошенко шекара бекетінде журналистерге берген сұхбатында оны елге жібермеуге тырысқандарын айтты.

Олар жеке басыңды анықтаймыз деп төлқұжатымды алып біраз уақыттан кейін берді. Порошенко екеніме күмәнданды, төлқұжатымды 15 минуттан аса уақыт тексеріп, елге кіруге рұқсат бермеу сценарийін әзірледі. Олар бізді қатты күтті, себебі бізден қатты қорқады және оппозицияға қысым көрсету үшін қауіпсіздік күштеріне заңсыз нұсқаулар береді, - деді Порошенко.

Еске салайық, Порошенко мемлекетке опасыздық жасады және көмір контрабандасы бойынша лаңкестікті қаржыландырды деген күдікке ілінген болатын. Тергеу мәліметтері бойынша, экс-президент президенттік өкілеттікті пайдалана отырып, Оңтүстік Африкадан Украинаға көмір жеткізуді тоқтату туралы тапсырма берген.

Содан кейін ол Ресей өкілдерінің өтініші бойынша Донбасстың оккупацияланған аумақтарынан көмір жеткізу туралы келісім-шарттарға қол қоюды ұйымдастырған.

Киевтің Печерск аудандық соты Порошенкоға қатысты бұлтартпау шарасын сайлау үшін жиналыс белгіледі. Сот отырысы 17 қаңтарда басталады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері