Нұр-Сұлтан 18.8°
×
02.11.2021, 09:40
Қызық па? Жаңалықты достарыңызбен бөлісіңіз!

Қазақстанның оңтүстігінде әскери оқу-жаттығу басталды

Гвардейск гарнизонында Қазақстан мен Өзбекстан Қарулы Күштерінің арнайы мақсаттағы бөлімшелері арасында «Қалқан-2021» бірлескен тактикалық-арнайы оқу-жаттығуы басталды, деп хабарлайды Elorda.info.

Қазақстанның оңтүстігінде әскери оқу-жаттығу басталды
Фото: Қорғаныс министрлігінің баспасөз қызметінен

“Елімізден 250-ге жуық әскери қызметші, 40-тан астам брондалған және автомобиль техникасы, он бірлік авиациялық техника, сонымен қатар ұшқышсыз ұшу аппараттары қатысады. Оқу-жаттығу барысында екі елдің әскери қызметшілері қосымша тактикалық жасақ құрамында бірлескен арнайы операцияны ұйымдастыру және оны өткізу мәселелерін пысықтайды. Оқу-жаттығу арнайы операцияны ұйымдастыру және өткізу барысында басқару органдары мен бөлімше іс-қимылдарының үйлесімділігін жетілдіруге, арнайы мақсаттағы бөлімшелер жеке құрамының машығын арттыруға, сондай-ақ халықаралық әскери ынтымақтастықты дамытуға бағытталған”, – делінген Қорғаныс министрлігінің хабарламасында.

Қазақстан мен Өзбекстан Қарулы Күштерінің арнайы мақсаттағы бөлімшелері арасындағы «Қалқан-2021» бірлескен тактикалық-арнайы оқу-жаттығуы 5 қарашада аяқталады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері