Еліміздің Парламент Мәжілісі мен барлық деңгейдегі мәслихаттарға депутаттарды сайлау Астана қаласындағы Есіл ауданында жергілікті уақытпен таңертеңгі сағат 7.00-де басталды, деп хабарлады Elorda.info.
Есіл ауданындағы №59 мектеп-лицейінде орналасқан №119 сайлау учаскесінде сағат 8.00-ге дейін 50 адам дауыс берді.
Таңғы 6.30-да бәрі дайын болды, жәшік кілттеніп, бюллетень және тізім таратылды, байқаушылар тіркелді. Ешқандай құқық бұзушылық орын алған жоқ. Арасында сайлауды байқау жөніндегі халықаралық қоғамдық комиссия мүшесі де бар, – дейді сайлау комиссиясының төрағасы Жазигүл Бодаева.
