Партия Жарғысының жобасы да бірауыздан мақұлданды
Алматыда «Қазақстан халық конгресі» жалпыұлттық қозғалысының съезі өтті. Онда Олжас Сүлейменов бірауыздан партия төрағасы болып сайланды, деп хабарлады Elorda.info.
Сондай-ақ ел аймақтарынан келген бастамашыл топтың мүшелері бағдарламалық құжаттар мен дамудың негізгі бағыттарын талқылады.
Съезге еліміздің әр өңірінен барлығы 1 500-ге жуық делегат келді.
Партия бағдарламасында экономика, экология, денсаулық мәселесі, сапалы білім беру бағыттары қамтылған. Олжас Сүлейменов бастаған белсенділер бар тәжірибе мен күш-қуатты азаматтық қоғамды біріктіруге бағыттайтындарын жеткізді.
Партия Жарғысының жобасы да бірауыздан мақұлданды.
Еске салайық, былтыр мамыр айында Олжас Сүлейменов «Қазақстан халық конгресі» партиясы қайта құрылатыны туралы айтқан болатын.
