Нұр-Сұлтан 9.9°
×
17.06.2022, 22:16
Қызық па? Жаңалықты достарыңызбен бөлісіңіз!

Елордада такси жүргізушісі ұрлық жасады

Нұр-Сұлтан қаласында полиция қызметкерлері катализаторларды ұрлады деген күдікпен 39 жастағы қала тұрғынын ұстады, деп хабарлады Elorda.info қалалық Полиция департаментінің ресми сайтына сілтеме жасап.

Елордада такси жүргізушісі ұрлық жасады
фото: ашық дереккөзден

Такси жүргізушісі «Смарт такси» ЖШС-не тиесілі «Chevrolet Cobalt» автокөліктерінен катализаторларды ұрлап кеткен. Екі күннің ішінде ер адам әрқайсысының құны 830 мың теңге болатын үш автомобиль катализаторын ұрлаған. Ұрланған катализаторларды металды қабылдау орнына төмен бағамен өткізген. Жүргізуші автокөліктерді ТҚС-ға апарғаны және онда автомеханиктер төлем үшін катализаторларды кесіп бергендері анықталды.

Аталған факті бойынша сотқа дейінгі тергеу амалдары жүргізіліп жатыр. Күдікті өз кінәсін мойындады, оның елорда аумағында бұрын жасалған осыған ұқсас қылмыстарға қатыстылығына тексерілуде.
 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері