Нұр-Сұлтан 11.6°
×
16.06.2022, 20:49
Қызық па? Жаңалықты достарыңызбен бөлісіңіз!

Елордада 41 жастағы ер адам бір қорап тауық етін ұрлады

Нұр-Сұлтан қаласында Алаш тас жолы бойындағы базардан кәсіпкердің бір қорап тауық еті ұрланды, деп хабарлады Elorda.info қалалық полиция департаментіне сілтеме жасап.

Елордада 41 жастағы ер адам бір қорап тауық етін ұрлады
фото: ашық дереккөзден

Полицияға жеке кәсіпкер күндізгі уақытта Алаш тас жолы бойындағы базарда белгісіз тұлға бір қорап тауық етін ұрлағаны туралы арызданған.
Жедел-іздестіру іс-шараларын жүргізу, сондай-ақ қылмыс жасалған жердің аумағында орналасқан бейнебақылау камераларын қарау барысында  қаскүнемнің жеке басын анықтады.

Белгілі болғандай, ер адам бөтеннің мүлкін ұрлау мақсатында бутиктерді жағалап жүрген. Бір қорап тауық етін байқап, сатушының алданып тұрғанын пайдаланған ер адам ұрлық жасаған.
Аталған фактіге байланысты ҚР ҚК 188-бабы бойынша сотқа дейінгі тергеу амалдары жүргізіліп жатыр. Ұсталған азамат өз кінәсін мойындады, оның елорда аумағында жасалған басқа да қылмыстарға қатыстылығы тексерілуде.


 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері