Нұр-Сұлтан 9.9°
×
07.06.2022, 11:49
Қызық па? Жаңалықты достарыңызбен бөлісіңіз!

Жанжал кезінде ер адам туған інісін пышақтап өлтірді

5 маусымда Алматы облысы Қарасай ауданы Бұлақты ауылында қайғылы оқиға болды, деп хабарлады Elorda.info Polisia.kz сайтына сілтеме жасап.

Жанжал кезінде ер адам туған інісін пышақтап өлтірді
Фото: ашық дереккөзден

Жанжал кезінде ағасы інісін өлтіріп алды.

Ақтөбе облысының тумасы азаматтық жұбайымен бірге жалдамалы үйде тұрып жатқан туған ағасына қонаққа барады. Дастарқан басында ағайындылар арасында жанжал туады.

Шақырту бойынша жеткен полиция қызметкерлері оқиға орнынан 41 жастағы ер адамның денесін тапты. Ал екінші ер адам белгісіз бағытта қашып кеткен.

Дабыл бойынша аяғынан тік тұрғызылған іздестіру топтары аумақта іздеу жұмыстарын жүргізді. Жақын маңдағы барлық елді мекендер кезек-кезек тексерілді. Нәтижесінде күдікті көрші ауылдағы көшелердің бірінен табылып, ұсталды, - делінген полиция хабарламасында.

Жәбірленушінің 52 жастағы ағасы қамауға алынды. Оқиға орнынан бірнеше пышақ табылған, олардың бірі қылмыс құралы ретінде тіркелді. Аталған факті бойынша қажетті сараптамалар тағайындалды. ҚР Қылмыстық кодексінің 99-бабы («Адам өлтіру») бойынша тергеу амалдары жүргізілуде.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері