Нұр-Сұлтан 16°
×
25.05.2022, 16:52
Қызық па? Жаңалықты достарыңызбен бөлісіңіз!

Алматы облысында BMW көлігі үйдің төбесіне құлады (ФОТО)

Алматы облысында BMW X5 көлігі үйдің үстіне құлады, деп хабарлады Elorda.info.

Алматы облысында BMW көлігі үйдің төбесіне құлады (ФОТО)
Фото: ашық дереккөз

Алматы облыстық Полиция департаментінің мәліметінше, жол апаты 24 мамырға қараған түні Іле ауданы Боралдай ауылында болған.

Жүргізуші - 29 жастағы жергілікті тұрғын, ол көлікті басқара алмай, жолдан ұшып кетті. Автокөлік жеке тұрғын үй ғимаратының төбесіне түсіп, газ құбырының доғасын зақымдады, сондай-ақ электр сымдары бар бағанды құлатты, - делінген хабарламада.

Жеңіл жарақат алған жүргізуші ауруханаға жатудан бас тартқан.

Құқық бұзушы ҚР ҚК 610-бабы («Көлiк құралын, жолдарды, жол және өзге де құрылыстарды немесе өзге де мүлiктi зақымдап, материалдық залал келтiруге әкеп соққан көлiк құралы жүргізушілерінің жол қозғалысы ережелерін бұзуы») бойынша әкімшілік жауапкершілікке тартылады, - деді полиция.

Келтірілген шығын әлі есептеліп жатыр.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері