Ақтөбеде ҚАЖ департаментіне қарасты КА-168/1 мекемесінің режим және күзет бөлімінің қызметкерлері мекемеге келген сәлемдемені тексеру кезінде бананның ішіне мұқият жасырылған ұялы телефон және Beeline SIM-картасын тәркіледі, деп хабарлайды Elorda.info тілшісі Polisia.kz-ке сілтеме жасап.
Тыйым салынған заттарды 29 жастағы У. И. есімді қала тұрғыны абақтыда «жалған кәсіппен айналысты» деген айып тағылған күдікті-айыпталушы танысына бананның ішіне жасырып, бермек болған.
Азамат У. И. өз түсініктемесінде кінәсін толық мойындады. Құқық бұзушыға ҚР ӘҚБтК-нің 791 және 795-баптары бойынша хаттама толтырылып, іс Ақтөбе қаласының мамандандырылған әкімшілік сотына жолданды, – дейді Ақтөбе облысы бойынша ҚАЖ департаментінің бастығы Руслан Уразбаев.
