×
26.09.2022, 13:23
Қызық па? Жаңалықты достарыңызбен бөлісіңіз!

Астаналық дәрігерлер науқасқа бірегей ота жасады

Ота 2,5 сағатқа созылып, сәтті өтті

Астаналық дәрігерлер науқасқа бірегей ота жасады
Фото: қала әкімдігі

Астанада №3 көпбейінді қалалық аурухананың мамандары плацентаның толық ауытқуымен орналасуы байқалған науқасқа бірегей ота жасады, деп хабарлады Elorda.info.

Мұндай жағдайда қан кетудің, ана мен бала өлімінің қаупі жоғары. Соңғы уақытқа дейін дәл мұндай диагноздан кейін пациенттер босанғаннан соң жатырын алып тастайтын. Бірақ 2015 жылдан бастап 3 КҚА-ның акушерлік блогына медицина ғылымының кандидаты, АМУ-дің Акушерия және гинекология кафедрасының меңгерушісі Зайтуна Хамидуллинаның жетекшілігімен ағзаны сақтап қалу операциясының техникасы енгізілді.

Айта кету керек, мұндай операциялар бүгінде әлемнің бірнеше клиникасында ғана жасалады.

Пациент жүктілік кезінде диагнозы туралы біліп, 3 КҚА-дағы орталыққа жүгінген. 34 апта ішінде қан кеткен науқасқа жоғары санатты акушер-гинеколог, PhD докторы Айгүл Дүйсембаева ота жасады. Дәрігер күні бүгінге дейін дәл осындай 15 ота жасаған.

Операциялық топ 3 акушер-гинеколог, 2 уролог, 2 хирург, 2 анестезиолог, 2 операциялық мейірбикеден құралған.

Ота 2,5 сағатқа созылып, сәтті өтті.

Бүгінгі таңда ана мен баланың өміріне қауіп төніп тұрған жоқ, екеуі де отадан кейінгі ерте қалпына келтіру кезеңінде.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері