×
11.08.2022, 19:15
Қызық па? Жаңалықты достарыңызбен бөлісіңіз!

Елорданың биылғы бюджеті нақтыланды

Енгізілген өзгертулерден кейін елорданың нақтыланған бюджеті – 867 млрд 234 млн теңге болды. Бұл туралы Нұр-Сұлтан қалалық экономика және бюджеттік жоспарлау басқармасының басшысы Қайсар Манқараев мәлім етті, деп хабарлады Elorda.info.

Елорданың биылғы бюджеті нақтыланды
Фото: ашық дереккөзден

Іс жүзіндегі түсімге жүргізілген сараптамаға сәйкес, жергілікті кіріске қатысты жоспарды болжаммен 50 млрд теңгеге арттыра отырып, 534,8 млрд теңгеге жеткізу ұсынылады. Оның ішінде салық түсімдері – 40 млрд теңгеге, салық емес түсімдер – 4,8 млрд теңгеге, ал негізгі капиталды сатудан түсетін түсім – 5,2 млрд теңгеге артық болады, - деді Қайсар Манқараев қалалық мәслихаттың қоғамдық кеңесі отырысында.

Басқарма басшысының дерегінше, енгізілген өзгертулерді ескерген кездегі елорданың нақтыланған бюджетінің жалпы көлемі биыл – 867 млрд 234 млн теңге.

Оның ішінде жергілікті кіріс түсімі – 534 млрд 862 млн теңге, республикалық бюджеттен трансферт түріндегі түсім – 236 млрд 927 млн теңге, займ түсімдері – 32 млрд 167 млн теңге, сонымен қатар қалдық қаражат – 63 млрд 277 млн теңге мөлшерінде болады, - деді ол.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері