Нұр-Сұлтанда экономика ғылымдарының докторы, профессор Михаил Спектордың мемориалдық тақтасының ашылу салтанаты өтті, деп хабарлады Elorda.info қала әкімдігінің ресми сайтына сілтеме жасап.
Тарихи жадыны сақтау, жас ұрпақты ата-бабаларына құрмет көрсетуге тәрбиелеу мақсатында Желтоқсан көшесі, 2/3 мекен-жайындағы үйге граниттен мемориалды тақта орнатылды.
Салтанатты шараға қала мәслихатының хатшысы Ерлан Каналимов, педагогика ғылымдарының докторы, профессор, С. Сейфуллин атындағы Қазақ агротехникалық университетінің ректоры Айтжан Әбдіров, Халықаралық сәулет академиясының профессоры, Қазақстан Республикасының құрметті сәулетшісі Аманжол Чиканаев, Михаил Давыдовичтің қызы, менеджмент, Бизнес және білім колледжінің бас директоры Ирина Спектор, С. Сейфуллин атындағы Қазақ агротехникалық университетінің проректоры, Басқару институтының доценті, Михаил Спектордың көмекшісі Татьяна Королева қатысты.
