Нұр-Сұлтан 19°
×
29.06.2022, 15:18
Қызық па? Жаңалықты достарыңызбен бөлісіңіз!

Елордада заңсыз орнатылған ойын терминалдары анықталды

Рұқсат беру құжаттары жоқ ойын терминалдарын орнатып, заңсыз ойын бизнесін ұйымдастыру фактісі бойынша елорданың екі тұрғынына қатысты қылмыстық іс  аяқталды. Бұл туралы Қаржы мониторингі агенттігінің баспасөз қызметі мәлім етті, деп хабарлады Elorda.info.

Елордада заңсыз орнатылған ойын терминалдары анықталды
Фото: ашық дереккөзден

Заңсыз айналымнан елорда дүкендерінде орналасқан 800 000 теңге сомасында ақша қаражаты бар 23 ойын терминалы алынды.

Осы ойын терминалдарын орналастырудан заңсыз кіріс сомасы 10 216 000 теңгені құрады.

Күдіктілерге мүлкі тәркіленіп, бес жылға дейінгі мерзімге бас бостандығынан айыру жазасы берілуі мүмкін.

«Ойын бизнесі туралы» ҚР Заңының 11-бабына сәйкес Алматы облысы Қапшағай су қоймасының жағалауын және Ақмола облысы Щучинск ауданын қоспағанда, ҚР аумағында казино мен ойын автоматтары залдарын орналастыруға тыйым салынады.

Сондай-ақ, заңсыз ойын бизнесі мақсатында үй-жайлар бергені үшін қылмыстық жауапкершілік бар.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері