Нұр-Сұлтан 14.5°
×
15.05.2022, 13:31
Қызық па? Жаңалықты достарыңызбен бөлісіңіз!
Мақалада:

Елордалық оқушылар арасында «Жас құтқарушы» жарысы өтті

Балалар жылы аясында елордалық ТЖД қала мектептері, «Жас құтқарушы» үйірмелері арасында жыл сайынғы өтетін жарыс ұйымдастырды, деп хабарлады Elorda.info қала әкімдігіне сілтеме жасап.

Елордалық оқушылар арасында «Жас құтқарушы» жарысы өтті
Фото: қалалық әкімдіктен

Жарысқа қаланың 34 мектебінен 259 оқушы қатысты.

Жарыстың мақсаты – мектеп оқушылары арасында техногендік және табиғи сипаттағы түрлі төтенше жағдайлар туындаған кезде қажет болатын қауіпсіздік шараларын оқыту және насихаттау. Оқушылар жарыстың бірнеше кезеңінен өтеді: өрт эстафетасы, жауынгерлік жылдамдық, алғашқы медициналық көмек көрсету, – деді Нұр-Сұлтан қаласы ТЖД ТЖ жою басқармасының бас маманы Қадырхан Шаймерденов.

Сондай-ақ жарысқа қатысушылар үшін жаңа құтқару жабдықтары, құрал-саймандар көрмесі ұйымдастырылып, оқыту мастер-кластары өткізілді.

Сонымен қатар шараға қатысқан елорда әкімінің орынбасары Ермек Қизатов командаларды дайындауға белсенді қатысқан мектеп директорларына, ТЖД қызметкерлеріне әкімнің атынан алғыс хаттар табыс етті.

Жарыс жеңімпаздары медальдармен және грамоталармен марапатталды.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері