Нұр-Сұлтан 23.6°
×
13.05.2022, 10:58
Қызық па? Жаңалықты достарыңызбен бөлісіңіз!

Еңбекшілер көшесі мен Алаш тасжолындағы жол учаскесі жабылды

Көлік және жол-көлік инфрақұрылымын дамыту басқармасы ПД әкімшілік полиция басқармасының келісімімен Еңбекшілер көшесі мен Алаш тасжолында инженерлік желілер мен жол төсемін салу жұмысын бастады, деп хабарлады Elorda.info.

Еңбекшілер көшесі мен Алаш тасжолындағы жол учаскесі жабылды

Осы жылдың 13 мамырынан 1 шілдесіне дейін жөндеу жұмыстарының жүргізілуіне байланысты Еңбекшілер көшесінің Бұқар жырау көшесінен Ұлы Дала даңғылына дейінгі аралығы көлік қозғалысы үшін ішінара жабылатын болады.

Сол сияқты 13-31 мамыр аралығында Алаш тасжолының Жолымбет көшесінен 191 көшеге дейінгі аралығында қозғалыс жартылай жабылды.

Қала жолдарында кептеліс тудырмас үшін елорда тұрғындары мен қонақтары қозғалыс бағытын алдын ала жоспарлауы қажет. Келтірілген қолайсыздықтар үшін кешірім өтінеміз және жөндеу жұмыстарының жүргізілуіне түсіністікпен қарауды сұраймыз, - делінген хабарламада.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері