Нұр-Сұлтан 10.1°
×
21.04.2022, 18:12
Қызық па? Жаңалықты достарыңызбен бөлісіңіз!

Елордада білім беру нысандарының өрт қауіпсіздігі мәселелері талқыланды

Білім басқармасында балабақша, мектеп, колледж нысандарының өрт қауіпсіздігі мәселелері бойынша онлайн-кеңес өтті, деп хабарлады Elorda.info қала әкімдігіне сілтеме жасап.

Елордада білім беру нысандарының өрт қауіпсіздігі мәселелері талқыланды
Фото: Александр Куприенко

Кеңеске бейінді басқарманың басшылығы, қалалық ТЖД Мемлекеттік өрт бақылау басқармасының мамандары, барлық білім беру мекемелерінің басшылары қатысты.

Күн тәртібінде білім беру объектілерінің өртке қарсы жағдайына, тиісті режимді сақтауға, өрт автоматикасы жүйелерін және өртке қарсы құрал-саймандарды ұстау және техникалық қызмет көрсету тәртібіне, өрт туындаған кездегі іс-қимыл тәртібіне және эвакуациялау процесін ұйымдастыруға, қалалық ТЖД ұйғарымдарын орындауға қатысты мәселелер болды.

Осылайша, қаланың білім беру объектілерінде тіршілік қауіпсіздігі мәселелеріне жүйелі тәсілді ұйымдастыру мақсатында ТЖД-да жалпы білім беретін мектептердің, орта кәсіптік оқу орындарының және мектепке дейінгі оқу орындарының оқытушыларын оқыту практикасы енгізілді. Бүгінгі таңда білім беру жүйесінің 450 қызметкері оқудан өтті.

Кеңеске қатысушыларға техникалық қызмет көрсету бойынша жұмыстарды уақтылы жүргізу, сондай-ақ өрт автоматикасы жүйелерін жұмыс жағдайында ұстау; өрт қауіпсіздігі саласындағы мемлекеттік инспекторлар берген нұсқамаларды толық көлемде орындау; қызметкерлермен және персоналмен өрт қауіпсіздігі шаралары туралы нұсқама және қауіпсіз эвакуациялау бойынша жаттығулар тұрақты негізде өткізу; мекемелердің электр шаруашылығының жағдайына ерекше назар аудару тапсырылды.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері