Нұр-Сұлтан 19.7°
×
29.11.2021, 11:20
Қызық па? Жаңалықты достарыңызбен бөлісіңіз!

Елордада есірткі саудасымен айналысқан қылмыстық топ ұсталды

Нұр-Сұлтанда есірткі сатумен айналысқан 6 адамнан тұратын қылмыстық топ құрықталды, деп хабарлады Elorda.Info.

Елордада есірткі саудасымен айналысқан қылмыстық топ ұсталды
Фото: azattyq-ruhy.kz

ҚР Ішкі Істер министрлігінің мәліметінше, салмағы 11,5 келі есірткінің негізгі партиясы қылмыстық топ ұйымдастырушысының әйеліне тиесілі зоосалоннан табылған.

«Қылмыстық бизнесті ұйымдастырушы каннабис тобының есірткілерін Қазақстанның оңтүстік өңірлерінен партиялармен алып келіп отырған. Есірткіні сақтап, буып-түйіп, топ мүшелеріне табыстап отырған. Олар өз кезегінде гашишты сатуды жүзеге асырған. Өткізілген арнайы іс-шаралардың нәтижесінде шамамен 17 млн теңге сомасына 2,5 мың доза гашиш заңсыз айналымға жіберілген жоқ», – деді ІІМ-нің баспасөз қызметі.

Қазіргі таңда сотқа дейінгі тергеу жұмыстары жүргізіліп жатыр. Қылмыстық топ өкілдері есірткіні заңсыз сатқаны үшін он жылдан он бес жылға дейін бас бостандығынан айырылуы мүмкін.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері