Нұр-Сұлтан
22.11.2021, 13:20
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Елордада есірткі сататын 4 жасырын интернет-дүкен жойылды

Нұр-Сұлтанда есірткі сататын төрт жасырын интернет-дүкен жойылды, деп хабарлады Elorda.info.

Елордада есірткі сататын 4 жасырын интернет-дүкен жойылды

Нұр-Сұлтан қаласы ПД есірткі қылмысына қарсы іс-қимыл бөлімшесінің жедел қызметкерлері Telegram мессенджерінде төрт жасырын интернет-дүкеннің әкімшісі болған және қала аумағында синтетикалық есірткіні өзі сатқан жергілікті тұрғынды ұстады.

Күдікті елорда аумағында синтетикалық есірткілерді жеткізумен және өткізумен айналысатын және “Рефлекс” арнайы операциясы аясында ұсталған адамдар тобының әлеуметтік желілердегі байланыстары мен аккаунттарын зерделеу кезінде полицияның назарына ілікті.

“Ұсталған кезде одан 5 банк картасы, үш ұялы телефон тәркіленді. Тінту барысында аталған телефондарға клиенттерден есірткі сатуға тапсырыстар түсіп жатты. Ұсталған азаматтың пәтерінде сейфте сатуға дайындалып қойған мефедрон салынған 64 түйір бума, 28 МДМА таблеткасы, сондай-ақ үш электрондық таразы, буып-түю материалы, 10 млн теңге және 23 мың АҚШ доллары сомасындағы ақша табылды. Сонымен қатар, бір мезгілде Кравцов көшесінде есірткі өткізушімен байланысы бар 24 жастағы бойжеткенді ұстау жүргізілді. Оның жалдап отырған пәтерінен өткізу үшін дайындалған мефедронның 36 түйіні және есірткіні өлшеп-орауға арналған құрылғылар тәркіленді. Сембинов көшесіндегі үйдің ауласынан есірткі жасырылған 5 орын жойылды”, – делінген хабарламада.

Елордалық есірткі полицейлерінің жедел жұмысының нәтижесінде қала аумағында есірткі сататын төрт интернет-дүкен қызметінің жолы кесіліп, жойылды, синтетикалық психобелсенді зат – мефедронның 200-ге жуық бір реттік дозасы тәркіленді.

Аталған фактілер бойынша ҚР ҚК-нің 297-бабының 3-бөлімі (Есірткі заттарды өткізу мақсатында заңсыз дайындау, сатып алу, сақтау немесе алдын ала сөз байласу бойынша адамдар тобының өткізуі) бойынша қылмыстық іс қозғалды. Ол мүлкін тәркілеумен 10 жылдан 25 жылға дейін бас бостандығынан айыру түріндегі қылмыстық жауапкершілікіті көздейді.

Жыл басынан есірткі қылмысына қарсы іс-қимыл бөлімшелеріyің қызметкерлері есірткі жарнамалайтын және сататын 915 сайтты бұғаттады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері