Нұр-Сұлтан -4.8°
19.11.2021, 09:25
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Астанада бірнеше көлікке зақым келтірген азамат ұсталды

ЭКСПО қалашығы ауданында бірнеше көлікті қасақана зақымдаған ер адам ұсталды. Бұл туралы Нұр-Сұлтан қаласы Полиция департаментінің баспасөз қызметі мәлімдеді, деп хабарлады Elorda.info.

Астанада бірнеше көлікке зақым келтірген азамат ұсталды

«18 қараша күні сағат 00.58-де «102» пультіне белгісіз ер азаматтың қаңтарылып тұрған көліктерді теуіп жатқаны туралы хабар келіп түсті. Тұрғындар бұзақыны өз күштерімен ұстап, полиция қызметкерлеріне тапсырды. Ол 30 жастағы қала тұрғыны болып шықты. Оның бұзақылық әрекетінен 6 көлікке зақым келген. Олардың иелері полицияға жүгінді. Залал сомасы анықталып жатыр», - деп мәлімдеді департаменттің баспасөз қызметі.

Полицияның хабарлауынша, жігіттің қолға түскен кезде мас болғаны сараптама қорытындысы бойынша дәлелденген.

«Полиция бөлімшесінде жігіт өзінің бұзақылық әрекеттеріне не түрткі болғанын түсіндіріп бере алмады. Аталған факті бойынша ұсталған азаматқа қатысты қылмыстық кодекстің 293-бабы бойынша сотқа дейінгі тергеу амалдары жүріп жатыр. Полиция бөтеннің мүлкін бүлдіргені үшін жауапкершілік бар екенін еске салады», - делінген хабарламада.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері