Нұр-Сұлтанда жаңадан танысқан қызбен қонақүйге барған жігіт телефонынан айырылды, деп хабарлады Elorda.info.
Қалалық ПД баспасөз қызметінің мәліметінше, астаналық азамат таксиде қызбен танысып, бірнеше күннен соң оны кездесуге шақырған. Екеуі дәмханада ішімдік ішіп, қонақүйге барған. Жігіт бөлмеде ұйықтап қалған кезде қыз Samsung G2 телефонын ұрлап алып, табанын жалтыратқан.
Іздеу шараларының нәтижесінде 30 жастағы күдікті ұсталды. Ол ұрлық жасағанын мойындап отыр. Телефон иесіне қайтарылды. Енді ұрының соған ұқсас қылмыстарға қатысы бар-жоқтығы тексеріліп жатыр.
