Нұр-Сұлтан 15°
×
30.10.2021, 19:06
Қызық па? Жаңалықты достарыңызбен бөлісіңіз!

Астанада аз қамтылған отбасыларға 50-ден астам азық-түлік себеті таратылды

Елордада азық-түлік себеттерін тарату бойынша қайырымдылық акциясы өтті. Азық-түлік себетін 50-ден астам аз қамтылған отбасы алды, деп хабарлайды Elorda.info.

Астанада аз қамтылған отбасыларға 50-ден астам азық-түлік себеті таратылды

Азық-түлік себеттері осы демалыс күндері қалада өтетін ауылшаруашылық жәрмеңкесінде жиналды. Елорда әкімдігінің қолдауымен Ақмола облысының кәсіпкерлері қайырымдылық іс-шараның демеушілері болды. 

“Ел Тәуелсіздігінің 30 жылдығына орай қала әкімдігі биыл "30 игі іс" акциясын өткізуде. Акция аясында жыл басынан бері аз қамтылған отбасыларға азық-түлік себеттерін таратамыз. Әр себеттің салмағы шамамен 30 келі. Себетте картоп, пияз, қырыққабат, ұн, жұмыртқа, өсімдік майы, сүт, айран, шұжық сияқты қажетті өнімдер бар. Бұл қайырымдылық іс-шараның демеушілері Ақмола облысының кәсіпкерлері болды. Қайырымдылық жұмыстары жыл соңына дейін жалғасады", – дейді Нұр-Сұлтан қаласы әкімінің кеңесшісі Қуаныш Молдабек.

Азық-түлік себеті көмек ретінде 50-ден астам мұқтаж отбасыға, соның ішінде толық емес және ерекше балаларды тәрбиелеп отырған отбасыларға, сондай-ақ жалғызбасты зейнеткерлерге берілді.

“Қала әкімдігі өтініштерімді назардан тыс қалдырмайды. Үнемі көмектеседі. Біз жақында баспана алдық. Аз қамтылған отбасыларға әрдайым қолдау көрсетіледі. Елорда әкімдігіне көп рақмет", - дейді көпбалалы ана Жазира Сариева.

Іс-шара карантиндік шектеулерді қатаң сақтай отырып өтті.

Айта кету керек, жыл басынан бері Нұр-Сұлтанда «Игі істер марафоны» өткізіліп келеді, оның аясында еріктілер, әкімдік қызметкерлері, елордалық Қазақстан халқы Ассамблеясының өкілдері, кәсіпкерлер аз қамтылған тұрғындарға 10 мыңнан астам азық-түлік себетін таратты.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері