Нұр-Сұлтан 28.4°
×
21.10.2021, 11:20
Қызық па? Жаңалықты достарыңызбен бөлісіңіз!

Елордада фото үшін көпір үстіне шыққандарға айыппұл салынды (ВИДЕО)

Полиция "102" арнасына куәгерден Қабанбай батыр даңғылы бойында орналасқан көпірдің аркасына белгісіз үш адамның көтерілгені туралы қоңырау келіп түскен, деп хабарлайды Elorda.info.

Оқиға орнына дереу автопатруль жеткен. Тәртіп сақшылары көпір аркасына көтерілген тәртіп бұзушыларды ұстап, полицияға жеткізді. Олардың жеке бастары анықталды. Олар 18 және 19 жастағы жастар. Құқық бұзушылар мұндай әрекетке қала көрінетіндей әсерлі фотоға түсу үшін шыққан.

“Тәртіп бұзушыларға қатысты әкімшілік хаттама толтырылды. Сонымен қатар, жастармен қоғамдық тәртіпті сақтау және келешекте құқық бұзушылыққа жол бермеу бойынша профилактикалық әңгіме жүргізілді. Қала тұрғындарының қырағылығының арқасында жастардың іс-әрекеті бақытсыздықпен аяқталған жоқ”, – делінген хабарламада.

Нұр-Сұлтан қаласы Полиция департаменті мұндай фотосессиялар көбінесе қайғылы жағдаймен аяқталатынын ескертеді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері