Нұр-Сұлтан -0.8°
26.10.2021, 13:50
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Елордалық ардагер әлем рекордын жаңартты

Нұр-Сұлтан қаласының тұрғыны Серік Абдахин Венгрияда өткен әлем чемпионатында гір тастарын 215 рет көтеріп, әлем рекордын жаңартты, деп хабарлайды Elorda.info.

Елордалық ардагер әлем рекордын жаңартты
Фото: azattyq-ruhy.kz

Әлем чемпионы Серік Абдахиннің айтуынша, жарыс жоғары дейгейде өтіп, жалпы командалық есепте ел құрамасы үшінші орынды иеленді.

«Әлем чемпионатына 17-рет қатысуым. Соның ішінде 22 рет чемпион атандым. Жарыс өте жоғары деңгейде өтті. Соңғы рет 2019 жылы өз рекордымды жаңартқан болатынмын. Бұл жолы да әлем рекордын жаңарту бұйырыпты. Аллаға шүкір. Бұл жеңісім жастарға үлгі болса деймін. Нұр-Сұлтан қаласының құрамасы жарыста жоғары нәтиже көрсетті. Спортшыларымыз 7 алтын, 2 күміс, 1 қола медаль жеңіп алды. Қуаныштымыз», – деді спортшы.

Ал жарыстың күміс және қола жүлделері ресейлік споршыларға, яғни Вячеслав Авдонин мен Евгений Рыбаковқа бұйырған.

Ардагерлер арасында ел намысын қорғаған Серік Абдахин Нұр-Сұлтан қаласының аға жаттықтырушысы. Ол 2019 жылы Сербияда өткен әлем біріншілігінде гір тасын 205 рет көтерген болатын.

Айта кетсек, гір тастарын көтеру бойынша өткен байрақты бәсекеге әлемнің 32 елінен 650-ге жуық спортшы қатысты.

Олай болса, назарларыңызға әлем чемпионатындағы елордалық спортшылардың нәтижесін ұсынамыз.

I орын - Ақжол Жеңісханұлы (78 кг);

I орын – Самат Нұрышев (95 кг).

Қыздар арасында:

III орын – Ақмарал Зупар (68 кг).

Ұзақ цикл бойынша:

I орын - Самат Нұрышев (95 кг).

Ұзақ цикл бойынша ардагерлер арасында:

I орын – Николай Куклин (85 кг);

II орын - Серік Абдахин (73 кг);

II орын - Ақжол Жеңісхан (78кг).

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері