Нұр-Сұлтан -1.5°
12.10.2021, 14:25
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Астаналық спортшы Азия чемпионы атанды

Қарақалпақстанның астанасы Нүкіс қаласында аралас жекпе-жектен (ММА) Орталық Азияның бірінші чемпионаты аяқталды. Нұр-Сұлтан қаласының спортшысы Ерсұлтан Шәкенбай 52 келіге дейінгі салмақ дәрежесінде турнир чемпионы атанды, деп хабарлайды Elorda.info.

Астаналық спортшы Азия чемпионы атанды
Фото: astana.gov.kz

Жарыс 8-11 қазан аралығында өтті, оған Қазақстан, Өзбекстан, Тәжікстан және Әзірбайжаннан алпысқа жуық жауынгерлік өнер шеберлері қатысты. 

Ерсұлтан Шәкенбай үш кездесуде қарсыластарын мерзімінен бұрын жеңді, финалда айқын басымдықпен тәжік спортшысы Вахид Захидзодты жеңіп, чемпионаттың жеңімпазы атанды. 

Өз кезегінде 93 кг салмақта сынға түскен Александр Вал Өзбекстан өкілі Хусейн Рахимовтан жеңіліп, күміс медальға ие болды. 

Қазақстан құрамасы жалпы есепте медаль саны бойынша екінші орын алды. Өзбекстан спортшылары бірінші орынға ие болды, үздік үштікті Тәжікстан құрамасы түйіндеді.

Естеріңізге сала кетейік, осы жылдың тамыз айында Ерсұлтан Шәкенбай Қазанда (Татарстан) Еуропа чемпионатын жеңіп алған болатын.

Елордалық спортшылар 2021 жылдың қараша айында өтетін әлем чемпионатында ел намысын қорғайтын болады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері