Талқылау 29 наурызға дейін жалғасады
Қазақстанда пияз экспортына салынған тыйым қайта алынып тасталуы мүмкін, деп хабарлады Elorda.info.
Бұйрық жобасы «Ашық НҚА» сайтында жарияланды.
Ауыл шаруашылығы министрлігі пиязды Қазақстаннан әкетуге тыйым салуды 28 сәуірге дейін тоқтата тұруды жоспарлап отыр.
Талқылау 29 наурызға дейін жалғасады.
Бұған дейін сыртқы сауда саясаты және экономикалық ұйымдарға қатысу мәселелері жөніндегі ведомствоаралық комиссия пиязды Қазақстаннан жаппай әкетуге жол бермеу және оның бағасын тұрақтандыру үшін үш ай мерзімге пияз экспортына тыйым салу туралы шешім қабылдаған болатын.
