×
17.08.2022, 22:26
Қызық па? Жаңалықты достарыңызбен бөлісіңіз!

Елімізде бір жылда ұн бағасы қанша пайызға қымбаттады

Соңғы жарты жылда елімізде дәнді дақылдардан 1,6 млн тонна ұн өндірілді. Бұл өткен жылмен салыстырғанда 1,5%-ға артық, деп хабарлады Elorda.info.

Елімізде бір жылда ұн бағасы қанша пайызға қымбаттады
фото: ашық дереккөзден

Energyprom.kz сарапшыларының мәліметінше, өңірлік бөліністе ұн өндірісінің ең көп көлемі дәстүрлі түрде Қостанай облысына тиесілі: 552,4 мың тонна. Көшбасшы өңірлердің үштігіне сондай-ақ Солтүстік Қазақстан облысы және Шымкент қаласы кірді.

Жалпы, 2021 жылы өндіріс 3 млн тоннаны құрады. Бұл бір жыл бұрынғыға қарағанда 10,3% - ға аз. Елдің ұн тартқыштары ішкі нарықты жоғары деңгейде қамтамасыз етеді. Мәселен, жарты жыл қорытындысы  бойынша жергілікті компаниялар сұранысты 98,9%-ға қамтамасыз етті.

Импорт 2,4 есе өсті, бірақ бұл бар болғаны 14,4 мың тонна. Экспортқа 764,7 мың тонна ұн жіберілді, бір жыл бұрынғыға қарағанда 36,2%-ға артық. Экспорттың үлесі ресурстардан 58,1% - ды құрады. ТМД елдеріне заттай мәнде 212,7 мың тонна ұн жөнелтілді, бір жыл бұрынғыға қарағанда 15,1%-ға артық. Ең көп қазақстандық ұн Өзбекстанға жіберілді: 158 мың тонна. 2021 жылғы қаңтар–мамырға қарағанда 17,6%-ға артық. Көшбасшылар үштігіне Түркіменстан мен Тәжікстан да енді.

Ұн бағасы бір жылда 36,6%-ға өсті. Бірінші сұрыпты ұнның килограмы 225 тг, жоғары сұрыпты ұн — 343 тг құрады. Еліміздің ірі қалалары арасында жоғары сұрыпты ұнның ең жоғары бағасы елордада (424 тг), ең төмені Павлодарда (кг үшін 222 тг) байқалды.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері