Нұр-Сұлтан 22.1°
×
05.08.2022, 21:15
Қызық па? Жаңалықты достарыңызбен бөлісіңіз!
Мақалада:

Қай өңірлер азық-түлік бағасын негізсіз көтерді

Бір аптада елде әлеуметтік маңызы бар азық-түлік бағасын негізсіз көтерудің 734 фактісі анықталды, деп хабарлады Elorda.info Сауда және интеграция министрлігі Сауда комитетінің баспасөз қызметіне сілтеме жасап.

Қай өңірлер азық-түлік бағасын негізсіз көтерді
Фото: Ашық дереккөз

Соңғы аптада 40,3 мың дүкенге рейд жүргізілді. Нәтижесінде азық-түлік бағасын негізсіз көтерген 734 дүкен анықталды. Әлеуметтік маңызы бар тауарларды қымбат бағамен сатқаны туралы деректер көбіне Нұр-Сұлтан қаласы (278) мен Шығыс Қазақстан облысында (80) тіркелді. Одан әрі Түркістан облысында – 38, Батыс Қазақстан облысында – 33, Қостанай және Маңғыстау облыстарында – 32, Жетісу облысында – 30 дүкен тауарға үстеме құн қосқан. Мұндай фактілер ең аз анықталғаны – Ұлытау облысында. Онда бағаны негізсіз көтергендер туралы 6 жағдай тіркелді. Әлеуметтік маңызы бар азық-түлік бағасына қосылған үстеме 15 пайыздан асса, онда 300 АЕК мөлшерінде айыппұл салынатынын ескертеміз, - деп жазылған баспасөз хабарламасында.

Құзырлы орган рейд қорытындысы бойынша ішкі сауда субъектілеріне қатысты ескерту түрінде 126 әкімшілік хаттама толтырылып, 1 айыппұл салған. Ал көпшілік сауда объектілері түсіндіру жұмыстарынан кейін әлеуметтік маңызы бар азық-түлік бағасын 5-15 пайызға дейін төмендеткен.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері