Нұр-Сұлтан 22.9°
×
23.06.2022, 10:57
Қызық па? Жаңалықты достарыңызбен бөлісіңіз!

Қазақстан шетелден 25,5 млрд доллар инвестиция тартуды көздеп отыр

Қазақстан 2026 жылға дейін шетелден 25,5 млрд доллар инвестиция тартуды көздеп отыр. Бұл туралы бүгін Үкімет отырысында Ұлттық экономика бірінші вице-министрі Тимур Жақсылықов айтты, деп хабарлады Elorda.info.

Қазақстан шетелден 25,5 млрд доллар инвестиция тартуды көздеп отыр

Вице-министрдің айтуынша, мемлекеттік органдармен және ұйымдармен бірлесіп, Дүниежүзілік банктің қатысуымен Президенттің тапсырмасына сәйкес 2026 жылға дейінгі Инвестициялық саясаты тұжырымдамасының жобасы әзірленген.

Тұжырымдама жобасында көзделген негізгі нысаналы индикаторлар – негізгі капиталға инвестициялар деңгейін ЖІӨ-ге 25,1%-ға жеткізу және тікелей шетелдік инвестициялар ағынын 2026 жылдың өзінде $25,5 млрд дейін арттыру, - деді вице-министр.

Аталған тұжырымдама жобасы басты үш бағыт бойынша құрылымда оған жүйелі сипаттағы 45 нақты іс-шарадан тұратын іс-қимыл жоспарын қамтиды.

Бірінші – ашық және болжамды инвестициялық саясатты қалыптастыруға бағытталған инвестициялық экожүйені одан әрі дамыту. Екінші – жеке сектордың инвестициялық белсенділігінің өсуіне жәрдемдесу. Үшінші – экономиканың инвестициялық әлеуетін ашу, - деді Тимур Жақсылықов.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері