Нұр-Сұлтан -10.9°
×
02.12.2021, 13:45
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Әлемдегі ең қымбат қала анықталды

Economist Group "2021 жылда әлемдегі өмірдің бағасы" атты зерттеудің нәтижесін жариялады. Биыл 173 қаланың ішінен Израильдің Тель-Авив қаласы өмір сүру үшін ең қымбат қала болып танылды, деп хабарлады Elorda.info.

Әлемдегі ең қымбат қала анықталды

Мегаполис осы рейтингте алғаш рет бірінші орынға шықты. Былтыр Тель-Авив бесінші орында болған. Ал оның алдында Париж, Гонконг, Осака мен Женева тұрды. Осылайша, бір жылдың ішінде Тель-Авив қымбатшылық жағынан бес бірдей қаланы артта қалдырды.

Жаңа рейтингіде Париж бен Сингапур екінші орынды бөлісіп отыр. Үшінші орында – Цюрих, ал Гонконг төртінші орынға түсті. Одан кейін Нью-Йорк, Женева, Копенгаген, Лос-Анджелес пен Осака тұр.

Сарапшылардың айтуынша, биыл израильдік шекельдің долларға шаққандағы бағамы күшейді. Ал азық-түлік қымбаттаған, қоғамдық көлікте жол жүру ақысы да көтеріліп кеткен.

Тель-Авивте тауар мен қызметтердің бағасы орташа есеппен 3,5 процентке өскен. Сол себепті биыл осы мегаполис ең қымбат қалалардың көшін бастады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері