Нұр-Сұлтан 18.6°
×
28.10.2021, 10:40
Қызық па? Жаңалықты достарыңызбен бөлісіңіз!

Вакцинаға қарсы пікір айтып жүрген Айна Бакеева 10 тәулікке қамалды

Нұр-Сұлтан қаласының әкімшілік істер бойынша мамандандырылған ауданаралық соты белгілі дәрігер Айна Бакееваға қатысты үкім шығарды, деп хабарлады Elorda.info қалалық соттың баспасөз қызметіне сілтеме жасап.

Вакцинаға қарсы пікір айтып жүрген Айна Бакеева 10 тәулікке қамалды

Дәрігер Әкімшілік құқық бұзу кодексінің 434-бабы 1-бөлімімен («Ұсақ бұзақылық») кінәлі деп танылып, 10 тәулікке қамауға алынған. Сот үкімін Шымкент қаласының Полиция департаменті орындайды. Шешім заңды күшіне енген жоқ.

Еске сала кетсек, екі күн бұрын желіде елордадағы №58 мектепте 3-сынып оқушысына дәретханада жасырын вакцина салынғаны туралы видео тараған еді. Одан Айна Бакееваның жанындағы әйелдермен бірге мектепке баса-көктеп кіргенін көруге болады. Онда балаларға ата-анасына айтпай вакцина салынып жатқаны сөз болады. Кейіннен мектеп басшылығы мен баланың анасы ондай жағдайдың болмағанын, видеоның провокация екенін мәлімдеді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері