×
29.11.2022, 11:22
Қызық па? Жаңалықты достарыңызбен бөлісіңіз!
Мақалада:

Президенттік олимпиада жүлдегерлері ЖОО-да оқуға грант алады

Жүлдегерлерді марапаттау рәсімі  2 желтоқсанда өтеді

Президенттік олимпиада жүлдегерлері ЖОО-да оқуға грант алады

Президенттік олимпиада жүлдегерлері ЖОО-да оқуға грант алады, деп хабарлады Elorda.info Оқу-ағарту министрлігіне сілтеме жасап.

Қазіргі таңда 192 оқушы республикалық  кезеңге өтті. Жаратылыстану-математика циклі пәндері бойынша Президенттік олимпиаданың республикалық кезеңіне 192 оқушы қатысады. Жеңімпаздар Қазақстан-Британ техникалық университеті (9) және Қ. Жұбанов атындағы Ақтөбе өңірлік университеті (5) сияқты университеттерде оқуға грант алады, - деп жазылған хабарламада.

Ал олимпиаданың үшінші кезеңі 2022 жылғы 29 қарашадан 2 желтоқсанға дейінгі аралықта академик Е. А. Бөкетов атындағы Қарағанды   университетінде өтеді.

Олимпиаданың бірінші кезеңіне 3 мыңға жуық оқушы қатысты. Балалардың олимпиадаға қатысу көрсеткіші өсіп келеді. Олар математика, биология, химия және физика пәндері бойынша жарысқа түсті, - деді ҚР Оқу-ағарту министрлігі Орта білім комитетінің төрағасы Гүлмира Кәрімова.

Байқауға бұрын республикалық және халықаралық пәндік олимпиадаларға қатыспаған 11 (12) сынып оқушылары қатыса алатынын еске сала кетейік.

Олимпиаданың жеңімпаздары мен жүлдегерлері ҚР Оқу-ағарту министрлігінің I, II және III дәрежелі дипломдарымен марапатталады және гранттарды бөлуде басым құқыққа ие болады. Мысалы, былтыр министрліктің бастамасымен Қазақстанның 20 ЖОО осы олимпиада жеңімпаздарына 50-ге жуық грант бөлді. Министрлікке қарасты «Дарын» орталығының өкілдері жоғары оқу орындарын білім гранттарын бөлу бастамасын қолдауға шақырды. Осылайша, биыл Қазақстан-Британ техникалық университеті жеңімпаздарға 9 грант, Қ. Жұбанов атындағы Ақтөбе өңірлік университеті 5 грант бөлді, - деді ҚР Оқу-ағарту министрлігі Орта білім комитетінің төрағасы Гүлмира Кәрімова.

Олимпиаданың жабылу және жеңімпаздар мен жүлдегерлерді марапаттау рәсімі 2022 жылғы 2 желтоқсанда өтеді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері