×
11.11.2022, 18:24
Қызық па? Жаңалықты достарыңызбен бөлісіңіз!

Қазақстандық студенттер халықаралық олимпиадада үздік 30 топтың қатарына енді

Олимпиадаға 130-дан астам университеттердің командалары қатысты

Қазақстандық студенттер халықаралық олимпиадада үздік 30 топтың қатарына енді
Фото: ашық дереккөз

Қазақстандық студенттер Бангладештің Дакка қаласында өткен ICPC Бағдарламалау бойынша халықаралық студенттік олимпиадада үздік 30 топтың қатарына кірді. Олимпиадаға әлемнің 130-дан астам университеттерінің командалары қатысты, деп хабарлады Elorda.info.

Жарыс қорытындысы бойынша Халықаралық ақпараттық технологиялар университетінің командасы МФТИ, ММУ (Ресей), KAIST (Корея), NUS (Сингапур), IIT (Үндістан) студенттерінен озып, 25-орынға ие болды. Сондай-ақ, олимпиадаға тағы бір қазақстандық жоғары оқу орны – Сүлейман Демирель университеті қатысып, командалық есепте 111 нәтиже көрсетті.

Біздің студенттер ең ірі студенттік IT-олимпиадада тамаша нәтижелер көрсетті. Қазақстандықтар алғаш рет әлемдегі ең мықты 30 команданың қатарына енді. Қатысушыларымызды жоғары көрсеткіштермен құттықтаймын. Келесі жылы қазақстандық студенттер жаңа биіктерді бағындыра алатынына сенімдімін. Ал біз, Ғылым және жоғары білім министрлігі ретінде болашақ чемпиондарға жағдай жасау үшін бар күшімізді саламыз, – деп атап өтті Ғылым және жоғары білім министрі Саясат Нұрбек.

Айта кетейік, Бағдарламалау бойынша халықаралық студенттік олимпиада (ICPC) 1977 жылдан бастап жыл сайын өткізіліп келеді. Олимпиада командалық форматта өтеді, бір оқу орнынан үш қатысушыдан тұратын бір команда қатысады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері