Нұр-Сұлтан 14.5°
×
26.05.2022, 13:05
Қызық па? Жаңалықты достарыңызбен бөлісіңіз!

Қазақстандық 4 ЖОО Times Higher Education әлемдік рейтингіне енді

Қазақстанда Times Higher Education беделді әлемдік университеттер рейтингіне енген университеттер саны артты. Бұл туралы Білім және ғылым министрлігі мәлім етті, деп хабарлады Elorda.info.

Қазақстандық 4 ЖОО Times Higher Education әлемдік рейтингіне енді

World University Rankings 2022 рейтингіне қазақстандық 4 университет кірді. Олар:

- әл-Фараби атындағы Қазақ ұлттық университеті;

- Лев Гумилев атындағы Еуразия ұлттық университеті;

- Satbayev University;

- Абай атындағы Қазақ ұлттық педагогикалық университеті.

Тағы қазақстандық 10 университет Times Higher Education Impact Rankings 2022 әлемдік рейтингіне енді. Үздіктер қатарында Абай атындағы Қазақ ұлттық педагогикалық университеті, әл-Фараби атындағы Қазақ ұлттық университеті, Нархоз университеті, Almaty Management University, Қарағанды Қазтұтынуодағы университеті, Қазақ-Британ техникалық университеті, Шоқан Уәлиханов атындағы Көкшетау университеті, Лев Гумилев атындағы Еуразия ұлттық университеті, Мұхтар Әуезов атындағы Оңтүстік Қазақстан мемлекеттік университеті және Сүлеймен Демирел атындағы университет бар.

Бұған дейін QS Emerging Europe and Central Asia университеттері рейтингіне қазақстандық 31 университет енгізілген болатын. Қазір Қазақстанның 10 университеті Times Higher Education Impact Rankings 2022 рейтингіне енді. Бұл отандық университеттер әлемнің жетекші университеттерімен бәсекеге түсіп, халықаралық стандарттар мен уақыт талабына сай білім береді, – деді БҒМ Жоғары және жоғары оқу орнынан кейінгі білім департаменті директорының орынбасары Бану Нарбекова.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері