×
24.11.2022, 17:54
Қызық па? Жаңалықты достарыңызбен бөлісіңіз!

Қазақстанда жүргізушілерге арналған мобильді қосымша іске қосылды

Мобильді қосымшада республикалық трассалар бойында орналасқан жол сервисі туралы барлық өзекті ақпарат жинақталған

Қазақстанда жүргізушілерге арналған мобильді қосымша іске қосылды
Фото: ашық дереккөз

Республикалық трассаларды пайдаланатын қазақстандықтар үшін «Sapar» мобильді қосымшасы әзірленді, деп хабарлады Elorda.info.

Елдегі республикалық маңызы бар автожолдардың ұлттық операторы трассаларды цифрландыру шеңберінде онлайн және офлайн режимінде жұмыс істейтін «Sapar» навигациялық қосымшасын әзірледі.

Жол қозғалысына қатысушылардың хабардар болу деңгейін арттыру үшін қосымшада автожолдардың ағымдағы жай-күйі (трассаларды ашу/жабу, айналма жолдар, жөндеу жұмыстары және т.б. бойынша ақпарат), метеожағдайлар, жолдардың ақылы учаскелері бойынша жол жүру теңгерімін толықтыру туралы бөлімдер жұмыс істейді.

Аталған мобильді қосымшада республикалық трассалар бойында орналасқан жол сервисі туралы барлық өзекті ақпарат жинақталған. Қолданушылар қосымша қызметтерінің сапасын бағалай алатынын атап өту керек.

Қазіргі уақытта қосымша PlayMarket-те қолжетімді, жақын арада қосымша AppStore-да орналастырылады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері