×
06.08.2022, 13:13
Қызық па? Жаңалықты достарыңызбен бөлісіңіз!

Елордалық тұрғын құдасынан берген қалыңмалын талап етіп, сотқа жүгінген

Сот талапкерлерге қалыңдық үшін берілген қалың малды қайтару туралы талапты қанағаттандырудан бас тартты, деп хабарлады Elorda.info Нұр-Сұлтан қаласының сотына сілтеме жасап.

Елордалық тұрғын құдасынан берген қалыңмалын талап етіп, сотқа жүгінген
Фото: ашық дереккөзден

Ведомствоның мәліметінше, талапкерлер Ж мен А сотқа салт-дәстүр негізінде қалыңдық жаққа берілген қалың мал мен мүлікті (тон, зергерлік жиынтықтар, костюмдер және т. б.) бұрынғы құдасы – жауапкер С-дан қайтарып алу туралы талаппен жүгінген.

Талапкерлер мен жауапкердің балаларының некеде тұрғандары анықталған. Алайда, 2021 жылдың сәуірінде жастар арасындағы неке бұзылған. Сот шешімімен талапты қанағаттандырудан бас тартылды, - деп жазды елордалық сот.

Сот қалыңдық үшін қалың мал түріндегі ақшалай сома мен басқа да заттар сыйлық ретінде берілді және оларды жауапкерден талап етуге негіз жоқ деген қорытындыға келді.

Сонымен қатар, бұл заттарды тек жауапкер ғана емес, қалыңдық жақтан басқа да адамдар сыйға алған. Сот шешімін өзгеріссіз қалдыра отырып, апелляциялық сот күйеу мен қалыңдықтың ата-аналарының арасындағы сыйлықтармен өзара алмасу бойынша тиісті рәсімдер қазақтың ұлттық дәстүрлеріне сәйкес жүргізілгенін атап өтті.

Рәсімдік іс-шаралар кезінде берілген мүлікті және заттарды қайтару талабы заңнамада көзделмеген, тиісінше орын алған жағдай бойынша тараптар арасында қандай да бір міндеттемелер туындаған жоқ, - деп жазды ведомстводан.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері