×
02.08.2022, 16:50
Қызық па? Жаңалықты достарыңызбен бөлісіңіз!
Мақалада:

Директорлар 1 мектепті 7 жыл ғана басқара алады

Директорлар 1 мектепті 7 жылдан артық мерзім басқара алмайды, деп хабарлады Elorda.info inform.kz-ке сілтеме жасап.

Директорлар 1 мектепті 7 жыл ғана басқара алады
Фото: Ашық дереккөз

Білім беру ұйымына тағайындалған күннен бастап 4 жыл лауазымды қызметте болған басшылар ротацияланады. Бұл ретте бірінші басшының бір білім беру ұйымында лауазымды қызмет атқаруына рұқсат етілген ең ұзақ мерзім 7 жылдан аспайды, - деді Үкімет басшысы орынбасары өз жауабында.

Оның атап өтуінше, ротация жүргізу үшін білім беру басқармасының кадр қызметі ауысуы тиіс бірінші басшылардың тізімін әзірлейді. Педагогтарды аттестациядан өткізу ережесі мен тәртібіне сәйкес, бірінші басшы жұмысының тиімділік көрсеткіштері бойынша есеп түзіледі. Ол жұмыс бағыттары бойынша 10-нан астам өлшемшартты қамтиды.

Тиімділік көрсеткіштеріне қатысты мәліметтерді білім беру басқармаларының, әдістемелік кабинеттердің, бұқаралық ақпарат құралдарының, білім саласындағы қоғамдық бірлестіктердің өкілдерінен жасақталған және материалдарды шынайы әрі жан-жақты зерделеу үшін консультативтік-кеңес органы саналатын комиссия қарайды. Атестаттау ережелерінде көрсеткіштер бойынша өлшемшарттар мен тиісті баллдар айқындалған. Бұл жемқорлық тәуекелдерін төмендетед. Ротацияланатын бірінші басшы қойылған баллдың дұрыстығын, негізділігін қайтадан тексере алады, - деді Ералы Тоғжанов.


 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері