Нұр-Сұлтан 11.6°
×
03.06.2022, 20:49
Қызық па? Жаңалықты достарыңызбен бөлісіңіз!

Жамбыл облысы тұрғынынан 200 келіге жуық есірткі тәркіленді

Жамбыл облысының полицейлері Шу тұрғынынан 200 келіге жуық есірткі тәркіледі, деп хабарлады Elorda.info

Жамбыл облысы тұрғынынан 200 келіге жуық есірткі тәркіленді
Фото: дереккөз

Жамбыл облыстық Полиция департаментінің Есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу барысында Шу ауданы Ақтөбе ауылынан 12 шақырым жердегі Баусасық құмды аймағында 43 жастағы жергілікті тұрғынды ұстады.

Тексеру барысында жалпы салмағы 194 келі каннабис өсімдігі, 4 келіден астам кептірілген марихуана және 4 грамнан астам каннабис шайыры есірткі заты табылып, тәркіленді.

Күдікті өз кінәсін толық мойындады. Қазіргі уақытта ол Шу қаласының Уақытша ұстау изоляторына қамауға алынды.

Бүгінде Қазақстан Республикасы Қылмыстық кодексінің 296-бабы 4-бөлігімен (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) сотқа дейінгі тергеу амалдары басталды.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері